शिवशाही बसचा भीषण अपघात होऊन यात 10 जणांचा मृत्यू झाल्याची घटना गोंदियामध्ये घडली आहे. सध्या बचाव कार्य सुरु असून मृतांचा आकडा आणखी वाढण्याची भीती वर्तवली जात आहे.

गोंदिया जिल्ह्यातील सडक अर्जुनी तालुक्यातील खजरी व डव्वा गावाजवळ नागपुरहून गोंदियाकडे येत असलेली शिवशाही बस उलटली. या अपघातात आतापर्यंत 10 मृतदेह बाहेर काढण्यात आले असून मृतांचा आकडा आणखी वाढण्याची शक्यता वर्तवली जात आहे. घटनास्थळी पोलीस आणि प्रशासन दाखल झाले असून बचावकार्य सुरू आहे. जखमींना तातडीने पुढील उपचारासाठी रुग्णालयात दाखल करण्यात आले आहे. दरम्यान, गोंदियात झालेल्या एसटी अपघातातील मृतांना तातडीने १० लाख रुपयांची मदत देण्याचे आदेश मुख्यमंत्र्यांनी परिवहन प्रशासनाला दिले आहेत.

Edited By Rakhi Rajput