मुंबई : विधानपरिषद निवडणुकीसोबत (MLC Election) आता विधानपरिषदेच्या सभापतीचीही निवडणूक (MLC Speaker Election) होणार आहे. पण या पदामुळे महायुतीत मतभेद निर्माण झाले आहेत. या पदावर अजित पवार गट आणि शिंदे गटानेही दावा केला आहे. सत्तेत सहभागी होण्यापूर्वी राष्ट्रवादी काँग्रेसला विधानपरिषद सभापतीपदाचे आश्वासन दिले होते असा दावा करण्यात आला आहे. दुसरीकडे शिंदे गटानेही या पदावर दावा केला आहे. भाजपकडून राम शिंदे हे सभापतीपदासाठी इच्छूक आहेत. तर शिंदे गटाकडून नीलम गोऱ्हे यांनी इच्छा दर्शवली आहे.