मुंबई : आज महायुतीच्या देवेंद्र फडणवीस, एकनाथ शिंदे आणि अजित पवारांच्या एका फोटोची जोरदार चर्चा सुरु आहे. देवेंद्र फडणवीसांनी हा फोटो सोशल मीडियावर ट्विट केलाय. त्यानंतर चर्चेला उधाण आलं. या फोटोसाठी 'एक है तो सेफ है, हे कॅप्शन चांगले वाटेल. मागील काही दिवसांत या तिन्ही नेत्यांचे चेहरे तिन्ही बाजूला होते. त्यानंतर महायुतीतील अंतर्गत वाद चव्हाट्यावर आल्याची चर्चा होती. आता सर्व एकत्र आले आहेत. त्यामुळे महायुती म्हणून 'एक है तो सेफ आहे'

मुख्यमंत्री एकनाथ शिंदे हे विविध सभांमधून म्हणत आहेत की, तुमचा लाडका भाऊ जेलमध्ये जावा, असं तुम्हाला वाटतं का? जर वाटत नसेल, मला मत द्या, अशी ते साद घालत आहेत. महायुतीची सत्ता आली नाही, तर त्यांना जेलवारी होऊ शकते, अशी त्यांना कुणकुण आहे. मागील काळात अनेक नेत्यांना जेलमध्ये टाकलं. त्यात अनिल देशमुख, छगन भुजबळ, संजय राऊत, नवाब मलिक यांचा समावेश आहे. आता दोन नेते महायुतीसोबत गेले आहेत. भविष्यात महाविकास आघाडीतील नेते गृहमंत्री झाले. यादरम्यान, महायुतीतील नेत्यांना जेलमध्ये जायचे नसेल, तर 'एक है तो सेफ है'.