प्रचाराच्या अखेरच्या दिवशी रायगड जिल्ह्यातील उमेदवारांच्या प्रचारासाठी उद्धव ठाकरेंची भर उन्हात कर्जतमध्ये सभा झाली. यावेळी उद्धव ठाकरेंनी शिवसेना शिंदे गटावर आणि त्यांच्या उमेदवारावर जोरदार निशाणा साधला. गुवाहाटीत टेबलावर नाचणाऱ्यांना आता परत गुवाहाटीला पाठवा, असे आवाहन उद्धव ठाकरेंनी कर्जतकरांना केलं.

उद्धव ठाकरेंच्या निवडणूक कर्मचा-यांनी बॅग तपासल्यामुळे आधीच मोठा वाद निर्माण झाला. त्यानंतर उद्धव ठाकरेंच्या कारचीही तपासणी करण्यात आली. त्यामुळे विधानसभा निवडणुकीत बॅगा तपासणी चांगलीच गाजली. उद्धव ठाकरे त्यांनतर आक्रमक झालेत. सभांमधून टीका करत उद्धव ठाकरेंनी भाजप आणि महायुती सरकारवर आसूड उगारला.या लोकांनी जनतेला धोके देऊन स्वतःला खोके घेतले. त्यांच्याकडे विकासाचा कोणताही हिशेब नाही. राज्यातील ज्या - ज्या ठिकाणी गद्दारी झाली त्या ठिकाणी हेच चित्रंय असं म्हणत त्यांनी शिंदेंच्या उमेदवारांना लक्ष केलंय. यातून ठाकरेंच्या शिवसेनेला कितपत फायदा होणार यासाठी 23 नोव्हेंबरची वाट पाहावी लागेल.