आगामी महापालिका निवडणुकांसाठी महायुतीचा फॉर्म्युला निश्चित झाल्याची माहिती सूत्रांनी दिली आहे. मुंबई, ठाणे, केडीएमसी, नाशिक आणि नागपूर या महत्त्वाच्या शहरांमध्ये शिंदे सेना आणि भाजप युती म्हणून एकत्र निवडणूक लढवणार आहेत. मात्र, पुणे आणि पिंपरी-चिंचवडमध्ये भाजप आणि राष्ट्रवादी काँग्रेस स्वतंत्रपणे उमेदवार उभे करण्याची शक्यता आहे. स्थानिक पातळीवर कार्यकर्त्यांना संधी मिळावी आणि बंडखोरी टाळण्यासाठी हा निर्णय घेतल्याचं समजतं.

महापालिकेच्या निवडणुका आम्ही महायुतीने लढणार आणि महायुती जिंकणार असा विश्वासही व्यक्त करण्यात आला आहे. नवी मुंबईबाबत मात्र अद्याप कोणताही अंतिम निर्णय झालेला नाही. या फॉर्म्युल्यामुळे राजकीय वर्तुळात चर्चांना उधाण आलं असून महायुतीतील घटक पक्षांनी आपापल्या ताकदीचा अंदाज घेऊन हा रणनीतीचा भाग म्हणून असा निर्णय घेतल्याचं दिसतंय. आता यावर अधिकृत घोषणा कधी होणार याकडे सर्वांचं लक्ष लागलं आहे.