Satara unseasonal Rain Update News : कडाक्याच्या उन्हाळ्यात आलेल्या पावसामुळे बळीराजा संकटात आला आहे. साताऱ्यात शनिवारी रात्री आणि सकाळी पावसाने जोरदार हजेरी लावली. गारांच्या पावसाने काढणीला आलेले ज्वारी आणि गव्हाचे पिक पाण्यात गेलं अन् शेतकरी राजा कोलमडला. हाता तोंडाशी आलेला घास अवकाळी पावसामुळे हिरावला गेल्याने शेतकरी वर्ग हवालदिल झाला आहे. (hailstorm destroys wheat and jowar in Javli taluka)

सातारा जिल्ह्याला गारपिटीचा तडाखा बसलाय आहे. जावळी तालुक्यात गारांचा पाऊस झालाय. रानगेघर, करंदी आणि मेढा परिसरात अवकाळी पावसामुळे काढणीला आलेल्या गहू, ज्वारीचं मोठं नुकसान झालंय. अवकाळी पावसासह गारपीट झाल्याने शेतकऱ्यांच्या चिंतेत भर पडलीय. शेतात काढणीसाठी तयार असलेल्या गहू आणि ज्वारीच्या पिकाला या गारपिटीचा सर्वाधिक फटका बसला आहे.