महाराष्ट्र ६ राज्यांना ६७ बिबटे देणार असल्याची माहिती समोर आली आहे. महाराष्ट्र वन विभागाने राज्यातील वाढत्या बिबट्यांच्या समस्येवर उपाय म्हणून ६ राज्यांना एकूण ६७ बिबटे देण्याचा निर्णय घेतला आहे. यामध्ये गुजरातमधील वनतारा येथे सर्वाधिक ५० बिबटे पाठवले जाणार आहेत. तसेच अरुणाचल प्रदेशला ६ तर बिहारला ५ बिबटे देण्यात येणार आहेत. मानव-बिबट्या संघर्ष कमी करण्यासाठी हा निर्णय घेण्यात आला असून उर्वरित बिबटे इतर राज्यांनाही देण्यात येणार आहेत.

राज्यातील बिबटे ही गुजरातला पाठवले जाणार आहे. वन विभागाच्या या निर्णयानंतर विरोधक आक्रमक होण्याची शक्यता आहे. राज्यातील सुमारे ५० बिबटे गुजरातमधील वनताराला पाठवण्याचा निर्णय घेण्यात आला आहे. वनमंत्री गणेश नाईक आणि वनतारा व्यवस्थापनामध्ये करार झाल्याची माहिती समोर आली आहे. बिबट्यांचे संवर्धन आणि मानवी संरक्षणाचे कारण पुढे करत वन विभागाने बिबटे इतर राज्यांना देण्याचा निर्णय घेतला आहे.