कोरोना पाठोपाठ आता स्वाईन फ्लूनंही डोकं वर काढले आहे. राज्यात स्वाईन फ्लूचा धोका दिवसेंदिवस वाढत असून आतापर्यंत एकूण रुग्णसंख्या २०४ वर पोहचली आहे. सर्वाधिक रुग्ण मुंबईत आढळले असून, ४२ रुग्णांची नोंद झाली आहे. त्यानंतर सोलापूरमध्ये ३६, पुण्यात 31, ठाण्यात 21, संभाजीनगरात 19, तर कोल्हापुरमध्ये 17 रुग्ण आढळले आहेत.

स्वाईन फ्लूमुळे नागपूर आणि नाशिकमध्ये प्रत्येकी दोन मृत्यू झाल्याची माहिती मिळाली आहे. वाढत्या रुग्णसंख्येमुळे नागरिकांमध्ये चिंता पसरली असून सार्वजनिक आरोग्य विभाग सतर्क झाला आहे. सार्वजनिक आरोग्य विभागाने नागरिकांना सतर्क राहण्याचे, स्वच्छता पाळण्याचे व गर्दीच्या ठिकाणी मास्कचा वापर करण्याचे आवाहन केले आहे. लक्षणे दिसताच तात्काळ वैद्यकीय सल्ला घ्यावा, असेही आरोग्य विभागाने सांगितले आहे.