पावसाळी अधिवेशनाआधी राज्याच्या मंत्रिमंडळाचा विस्तार होण्याची शक्यता आहे. पावसाळी अधिवेशनाआधी महत्त्वपूर्ण घडामोडी त्यामुळे राज्याच्या राजकारणात पाहायला मिळतील, असं बोललं जातंय. इतकंच नव्हे, तर महायुती सरकारमध्ये नव्या कोणत्या आमदारांना मंत्रिमंडळात संधी मिळणार? यावरुनही तर्क वितर्कांना उधाण आलं आहे. लोकसभा निवडणुकांनंतर आता राज्याच्या विधानसभा निवडणुकीचे वारेही वाहू लागलेत. त्याआधी होणाऱ्या पावसाळी अधिवेशनाकडेही सगळ्यांचं लक्ष लागलंय. त्या पार्श्वभूमीवर आता सत्ताधारी पक्षाकडून राज्याच्या मंत्रिमंडळाचा विस्तार केला जाईल, अशी माहिती खात्रीलायक सूत्रांनी दिली आहे. या विस्तारात आता नेमकी कुणाकुणाची वर्णी लागते, हे पाहणं महत्त्वाचंय.