मुंबई : आगामी विधानसभा निवडणुकीसाठी महाविकास आघाडी आणि महायुतीमध्ये जागावाटपावरून आता धुमशान रंगताना दिसत आहेत. तर महाविकास आघाडीमध्ये जागावाटपाचा पेच काही सुटताना दिसत नाहीये, तर मुख्यमंत्रि‍पदाच्या चेहऱ्यावरून देखील चांगलीच जुंपली होती. परंतु आता महायुतीतील जागावाटप रखडल्यामुळे राष्ट्रवादी अजित पवार गटात अस्वस्थता दिसून येतेय.

लोकसभेप्रमाणे जागावाटपाचा घोळ घातला तर फटका महायुतीला बसेल, असा पक्षातील काही नेत्यांनी सूर घेतलाय. तर अनेक आमदार आणि इच्छूक शरद पवारांच्या गळाला लागतील, असं एका वरिष्ठ नेत्याचं म्हणणं आहे. जागावाटपासंदर्भात अद्याप तिन्ही पक्षांमध्ये समन्वय नसल्याची माहिती समोर येत आहे. पक्षातील नेत्यांनी अजित पवार यांच्यावर जागांसाठी दबाव टाकल्याची देखील माहिती मिळतेय. त्यामुळे आता महायुतीतील जागावाटपाचा घोळ केव्हा सुटणार? अजित पवार गटाला किती जागा मिळणार, याकडे सर्वांचं लक्ष लागलेलं आहे.