Girish Mahajan statement on Thackeray and Pawar before Jalgaon municipal elections जास्त त्रास देणाऱ्यांना आपल्या पक्षात घ्या म्हणजे आपला त्रास कमी होईल.. असं मोठं विधान मंत्री गिरीश महाजन यांनी केलंय.. तर विरोधकांची तोंडं बंद करा, त्यांना पक्षात घ्या, कुणाच्याही पक्ष प्रवेशाला विरोध करू नका, असा सल्ला त्यांनी कार्यकर्त्यांना दिलाय. महाजन यांच्या सल्ल्याची चर्चा जळगावमध्ये सुरू झाली आहे. आगामी काही दिवसांत स्थानिक स्वराज्य संस्थांच्या निवडणुका रंगणार आहेत. त्याची तयारी महायुतीने सुरू केली आहे. त्याआधी महाजन यांनी ठाकरे अन् पवार यांना जळगावमधील एकही महानगरपालिका मिळू देऊ नका, असे आवाहन कार्यकर्त्यांना केलेय.

जळगाव जिल्ह्यामध्ये सर्व नगरपालिका आपल्याला ताब्यात घ्यायच्या आहेत. आपण महायुतीमध्ये लढणार आहोत. त्यामुळे काही ठिकाणी अडचण आली तर स्वबळावर लढणार आहोत. शरद पवार गटाला आणि उद्धव ठाकरेंच्या शिवसेनेला एकही नगरपालिका मिळता कामा नये, असे विधान मंत्री गिरीश महाजन यांनी केले आहे. ते जळगावमध्ये बोलत होते.