अकोला : पोलिस भरतीसाठी (Police Bharti News) निघालेल्या तरुणांचा एक व्हिडीओ समोर आला आहे. ट्रेनमधून प्रवास करण्यासाठी तारेवरची कसरत या तरुणांना करावी लागत असल्याचं व्हिडीओतून स्पष्टपणे अधोरेखित झालं आहे. अकोला रेल्वे स्थानकातील (Akola Railway Station) हा Videoकमालीचा चर्चेत आला आहे. राज्यभर पोलिस भरतीची प्रक्रिया सुरु झाली. 19 जूनपासून सुरु झालेल्या या भरतीसाठी निघताना तरुणांना कशाप्रकारे चढाओढ करावी लागते आहे, हे या व्हिडीओतून दिसून आलंय. दरम्यान, जोपर्यंत पोलिस भरती प्रक्रिया सुरु आहे, तोवर विद्यार्थ्यांची गैरसोय टाळण्यासाठी रेल्वे प्रशासनाचे पुढाकार घ्यावा, अशी अपेक्षा विद्यार्थ्यांकडून व्यक्त होते आहे. त्यासाठी रेल्वेमध्ये अतिरिक्त डबे वाढवावेत, अशी विनंती विद्यार्थ्यांकडून केली जातेय.