राज्य निवडणूक आयोगाने आज पत्रकार परिषद घेत 29 महापालिकेचे निवडणूक आयोगाचे वेळापत्रक जाहीर केले. 15 जानेवारीला मतदान पार पडणार असून 16 जानेवारीला मतमोजणीची प्रक्रिया पार पडणार आहे. गेल्या 4 वर्षांपासून ओबीसी आरक्षणाच्या मुद्यावरून महापलिका निवडणुका प्रलंबित होत्या. अखेर या निवडणुकांचे बिगूल वाजले. मात्र आता या निवडणुकीत राज्यातील सर्वच पक्षांच्या दिग्गज नेत्यांची प्रतिष्ठापणाला लागली आहे.

मुंबईमध्ये ठाकरे बंधु विरुद्ध देवेंद्र फडणवीस आणि एकनाथ शिंदे तर नवी मुंबईमध्ये गणेश नाईक विरुद्ध एकनाथ शिंदे, ठण्यात रवींद्र चव्हाण विरुद्ध एकनाथ शिंदे पुणे-पिंपरी चिंचवडमध्ये केंद्रीय राज्यमंत्री मुरलीधर मोहोळ विरुद्ध उपमुख्यमंत्री अजित पवार, कल्याण डोंबिवली महानगरपालिका निवडणुकीत श्रीकांत शिंदे विरुद्ध रवींद्र चव्हाण, छत्रपती सांभाजीनगरमध्ये अतुल सावे विरुद्ध संजय शिरसाट, तर नाशिक महापालिकमध्ये दादा भुसे, गिरीश महाजन आणि छगन भुजबळ या बड्या नेत्यांची प्रतिष्ठापणाला लागली आहे.