यंदा देशातील 17 खासदारांना संसदरत्न पुरस्कार 2025 जाहीर करण्यात आला आहे. यंदा संसदरत्न पुरस्कारासाठी महाराष्ट्राच्या खासदाराने बाजी मारली असून सुप्रिया सुळे, अरविंद सावंत यांच्यासह 7 खासदारांनी या यादीत स्थान पटकावले आहे. संसदेमध्ये उल्लेखनीय, सातत्यपूर्ण व उत्कृष्ट कामगिरी करणाऱ्या खासदारांना दरवर्षी प्राइम पॉइंट या संस्थेमार्फत हा पुरस्कार प्रदान केला जातो. लोकसभेत प्रश्न विचारणे, कायदेविषयक कामात अभ्यासपूर्ण योगदान देणे या निकषांवर हा पुरस्कार दिला जातो.

महाराष्ट्रातील कोणत्या खासदारांना मिळणार संसदरत्न?

महाराष्ट्रातील खासदार सुप्रिया सुळे (शरद पवार गट), श्रीरंग बारणे(शिंदे गट), अरविंद सावंत(ठाकरे गट), नरेश म्हस्के( शिंदे गट), स्मिता वाघ(भाजप), मेधा कुलकर्णी(भाजप) आणि वर्षा गायकवाड(कॉँग्रेस) या 7 खासदारांना संसदरत्न पुरस्कार देऊन गौरवण्यात येणार आहे.