महाराष्ट्र विधीमंडळाचे पावासाळी अधिवेशन उद्यापासून सुरू होणार आहे. या अधिवेशनाच्या पूर्वसंध्येला राज्य सरकारने पत्रकार परिषद घेतली. या अधिवेशनात आमचा प्रयत्न हा संवादाचाच आहे. विरोधकांनी संवाद ठेवला तर आम्ही चर्चेतून सगळ्या गोष्टींची उत्तर द्यायला तयार आहोत. राजकारण केलं तर राजकीय उत्तर मिळेल, समाजकारण केलं तर सामाजिक उत्तर मिळेल, असे मुख्यमंत्री देवेंद्र फडणवीस म्हणाले. तीन आठवडे हे पावसाळी अधिवेशन चालणार असून या अधिवेशनात सामान्यांच्या हिताचे निर्णय आम्ही करू. या अधिवेशनात 10 विधेयके आम्ही मांडणार आहोत. यामध्ये महिला शेतकऱ्यांना कायदेशीर दर्जा देण्याचं विधेयक असणार असेही मुख्यमंत्री फडणवीस म्हणाले.