Maharashtra Health Minister Prakash Abitkar : कोरोनाच्या वाढत्या प्रभावावर आरोग्यमंत्री प्रकाश आबिटकर यांनी प्रतिक्रिया दिली आहे. आधीप्रमाणे कोरोना विषाणू प्रभावी राहिला नाही. आम् केंद्र सरकारकडून याबाबत माहिती घेत आहोत. गेल्या काही दिवसांपासून सातत्याने नवे व्हेरिएंट येत आहेत. त्यामुळे केंद्र सरकारकडून ज्या काही सूचना येतील, त्याचे पालन केले जाईल, असे आरोग्यमंत्री म्हणाले आहेत.

सिंगापूर आणि हाँगकाँगबाबत केंद्र सरकार लक्ष ठेऊन आहेत. आता कोणतीही भीती, घाबरण्याची गरज नाही. डॉ दीपक सावंत यांनी पत्र लिहिले आहे, त्याचापण विचार करू. सोबत सर्वांच्या सूचना घेऊ आणि निराकरण करू, असे आरोग्यमंत्री म्हणाले.

कोरोना राज्यात वाढत आहे. याबाबत टीव्हीवर दिसत आहे. पण हा करोनो पूर्वीसारखा राहिला नाही. त्यामुळे घाबरण्याची गरज नाही. १५ वर्षांपासून स्वाइन फ्लू होता, तो आताही आहे. तसेच कोरोनाचे आहे. तो आपल्यासोबत राहणार आहे. आपण काळजी घेतली पाहिजे. आरोग्य विभागाच्या वतीने सातत्याने तपासणी IDSP अँप मदतीने आम्ही मॅपिंग करत आहोत. सर्व आजारावर उपचार करण्यासाठी यंत्रणा तयार ठेवली आहे, असे आरोग्यमंत्री प्रकाश आबिटकर म्हणाले.