सोलापूर जिल्ह्यामुळे दुष्काळी परिस्थितीच्या पार्श्वभूमीवर प्रसासनाने कठोर पाऊलं उचलली आहेत. जिल्हाधिकारी एस. कार्तिकेय यांनी आदेश काढत महसूल, कृषी, जलसंपदा आणि ग्रामविकास विभागातील अधिकाऱ्यांना मुख्यालय न सोडण्याचे निर्देश दिले आहेत. सर्व अधिकाऱ्यांनी पीक पाहणी आणि शेतकरी सहाय्याची काम करावीत. सरकारी कर्मचाऱ्यांनी विनाकारण किंवा परवानगीशिवाय सुट्टी घेतल्यास कारवाईचा इशारा देण्यात आला आहे. कामाच्या ठिकाणी अनुपस्थित राहणे, सुट्टीच्या नियमांचा भंग करणे किंवा शासकीय कामकाजावर परिणाम होईल अशा पद्धतीने गैरहजेरी लावल्यास संबंधित कर्मचाऱ्यांवर शिस्तभंगाची कारवाई होऊ शकते.