राज्यात पावसाचे आगमन लांबणीवर जाणार आहे. यंदा मान्सूनचे आगमन जूनच्या शेवटच्या आठवड्यात येण्याची शक्यता वर्तवण्यात आली आहे. त्यामुळेच मुख्यमंत्र्यांनी आधीच खबरदारीचा इशारा दिला आहे. दुष्काळाचा सामना करण्यासाठी सज्ज राहा, अशा सूचना मुख्यमंत्री देवेंद्र फडणवीसांनी मंत्रिमंडळ बैठकीत प्रशासनाला दिल्याची माहिती आहे.'एल निनो'मुळे पावसाचे आगमनही २० जूनपर्यंत लांबणीवर पडणार असून मे-जूनदरम्यान उष्णतेच्या लाटांसह मराठवाडा, विदर्भात तीव्र दुष्काळाचा इशारा देण्यात आला आहे.ऑगस्ट आणि सप्टेंबरमध्ये पावसांचं प्रमाण कमी राहण्याचा अंदाज आहे.