महिलांना 500 रुपये देऊन प्रचाराला बोलावलं असल्याचा आरोप अजित पवार यांनी शरद पवार यांच्यावर केला आहे. त्यामुळे बारामतीत काका - पुतण्यात पुन्हा एकदा जुंपली आहे. प्रचारासाठी आणलेल्या या महिलांना चहा किंवा पाणीसुद्धा देण्यात आलं नाही, बारामतीची ही पद्धत नसल्याची टीका देखील अजित पवार यांनी केली आहे. तर यावर शरद पवार यांनी, मी अजून बारामतीत प्रचारच केला नाही, असं प्रत्युत्तर दिलं आहे.

बारामतीच्या पानसरे वाडी येथे आज अजित पवार यांची प्रचार सभा झाली. यावेळई भाषणातून त्यांनी शरद पवार, प्रतिभा पवार यांच्यावर हल्ला चढवला. काल महिलांना 500 रुपये आणून बसवले. त्यांना चहा नाही पाणीसुद्धा दिलं नाही, ही बारामतीत पद्धत नाही. बारामतीत अनेक निवडणुका लढवल्या. पण आता चुकीचे पायंडे बारामतीत पडत आहेत, असं म्हणत अजित पवार यांनी शरद पवार यांच्यावर निशाणा साधला आहे. तर यावर आता शरद पवार यांनी देखील पालटवर केला आहे. मी अद्याप बारामतीत प्रचार करायलाच गेलेलो नाही, असं प्रत्युत्तर शरद पवार यांनी दिलं आहे.

Edited By Rakhi Rajput