कृषी मंत्री माणिकराव कोकाटे यांनी पत्रकार परिषदेत पिक विम्याच्या बाबतीत बोलताना " सरकार भिकारी आहे.!"असं म्हटलं होतं. त्यावर माजी मंत्री सुबोध सावजी यांनी कृषिमंत्र्यांच्या वक्तव्याबाबत मुख्यमंत्र्यांनी स्पष्टीकरण द्यावं अशी मागणी करत मुख्यमंत्र्यांना खरमरीत पत्र लिहिल आहे. सुबोध सावजी यांनी म्हटल आहे की, कृषिमंत्र्यांनी सरकार भिकारी आहे हे वक्तव्य केलं आहे. हे आता खरं वाटायला लागलं आहे.

कारण सरकारने निवडणुकांपूर्वी शेतकऱ्यांना कर्जमाफी देऊ, लाडक्या बहिणींना पंधराशे रुपये ऐवजी 2100 रुपये देऊ असं म्हटलं होतं. तर राज्यातील अनेक सुरू असलेल्या योजना बंद पडल्या आहेत. त्यामुळे सरकार हे भिकारी आहे हे कृषीमंत्र्यांच वक्तव्य आता खरं वाटू लागल आहे. त्यामुळे या वक्तव्यावर मुख्यमंत्री देवेंद्र फडणवीस यांनी स्पष्टीकरण द्यावं अशी मागणी देखील माजी मंत्री सुबोध सावजी यांनी आपल्या पत्रात केली आहे.