सांगलीतील प्रचार सभेत राष्ट्रीय समाज पक्षाचे माजी मंत्री महादेव जानकर यांनी भाजपवर जोरदार हल्ला चढवलाय. कुणालाही मतदान करा असं सांगणार नाही, मात्र आई शप्पथ सांगतो, कमळाला मतदान करू नका..अशा शब्दांत त्यांनी आवाहन केलंय. ते सांगलीच्या प्रचार सभेत बोलत होते.

मी कोणालाही मतदान करू सांगणार नाही.. पण आई शप्पथ सांगतो, कमळाला मतदान करू नका.. असे आवाहन राष्ट्रीय समाज पक्षाचे माजी मंत्री महादेव जानकर यांनी केले आहे.. कारण भाजपा जाती- जातीत भांडण लावणार पक्ष आहे.. आज एकनाथ शिंदे व अजित पवारांची काय अवस्था आहे.. तशी माझी झाली नाही, कारण मी भानगडी केल्या नाहीत.. असा टोला देखील महादेव जानकर यांनी लगावला आहे.. सांगलीच्या जत मध्ये महाविकास आघाडीचे नगराध्यक्ष पदाचे उमेदवार सुजय शिंदे व उमेदवारांच्या प्रचारासाठी आयोजित सभेमध्ये ते बोलत होते.