पॅरिसमधील आयफेल टॉवरवर वीज कोसळल्याचा एक थरारक क्षण कॅमेऱ्यात कैद झाला आहे. मुसळधार पाऊस आणि वादळी वाऱ्यादरम्यान आयफेल टॉवरच्या सर्वोच्च टोकावर अत्यंत तीव्र क्षमतेची वीज कोसळली. या विजेच्या जोरदार प्रहाराने संपूर्ण टॉवर एका क्षणासाठी प्रकाशाने उजळून निघाला होता. निसर्गाच्या या रौद्ररूपाचा व्हिडिओ सध्या सोशल मीडियावर प्रचंड व्हायरल होत आहे. महत्त्वाचं म्हणजे यात आयफेल टॉवरचं कोणतंही नुकसान झालेलं नाही. आयफेल टॉवरचा हा व्हिडीओ सध्या सोशल मीडियावर व्हायरल झाला आहे.

गेल्या काही दिवसांपासून युरोपमधील नागरिक उकाड्यामुळे हैराण झाले होते. पण अचानक याठिकाणी मुसळधार पावसाला सुरूवात झाली त्यामुळे नागरिकांना मोठा दिलासा मिळाला. याठिकाणी वादळी वारे आणि विजांच्या कडकडाटासह पाऊस पडत आहे. या पावसादरम्यान झालेल्या विजांच्या कडकडाटादरम्यान आयफेल टॉवरचं सौदर्य आणखीनच खुलून दिसलं.