अजित पवार यांचा विमान अपघातात मृत्यू झाल्यानंतर बारामतीची रिक्त झालेली जागा कोण लढवणार अशी चर्चा राजकीय वर्तुळात सुरू असून आता ओबीसी नेते लक्ष्मण हाके यांनी यावर त्यांचा जाहीर केला आहे. हाके म्हणाले, मी एक ओबीसी आंदोलक आहे. कुठल्याही पक्षाचा सदस्य नाही. पण ओबीसी समाजाच्या बांधवांचे प्रश्न पटलावर येण्यासाठी मी बारामतीची पोटनिवडणूक लढवत असल्याची भूमिका लक्ष्मण हाके यांनी आज जाहीर केली. ही निवडणूक संवेदनशील असली तरी सुद्धा सरकार ने ओबीसी समाजाकडे लक्ष दिलं नाही. त्यामुळे आम्ही निवडणूक लढवणार असल्याची प्रतिक्रिया हाके यांनी दिली. तसेच लक्ष्मण हाके हे उद्या अर्ज भरणार आहे. राज्यातील इतर पक्ष हे सुनेत्रा पवारांना पाठिंबा देणार असल्याचे सांगितले जात असताना आता हाके विरुद्ध पवार असा संघर्ष पाहायला मिळणार आहे.