नारायनगडावर झालेल्या मनोज जरांगे पाटील यांच्या मेळव्याला आज ओबीसी नेते लक्ष्मण हाके यांनी जोरदार प्रत्युत्तर दिले आहे. माझ्यावर ८ ते ९ वेळा हल्ले झाले आणि त्या आरोपींची जरांगे सोबतचे संबंध याच डायरेक्ट इन डायरेक्ट कनेक्शन पवार कुटुंबाशी आहे. हे सगळं दाखवलं आहे. हे हल्ले पूर्वनियोजित असते. तर यावर लक्ष द्यायला गृह विभाग आहे. दसरा मेळावा हा विजयाचा प्रतीक असून लोकांना वर्षभर सकारात्मक ऊर्जा मिळावी म्हणून असतो. दसरा मेळावा हा कुटाळक्यांचा मेळावा जरांगेनी बनवून टाकला आहे.

जरांगे आजारी असताना दसरा मेळाव्यात जाऊन दीडतास भाषण करतो आणि ओबीसी नेत्यांना शिव्या देतो. पंकजा मुंडेंच्या शारीरिक व्यंग्यावर टीका करतो हे चीफ आहे. चौथी नापास माणूस महाराष्ट्राला वेठीस धरतोय, महाराष्ट्राच्या दंगलींना कारणीभूत ठरतोय गावगाड्यातील ओबीसींचा आरक्षण संपवत आहे. हे महाराष्ट्राचे दुर्दैव आहे, सामाजिक स्वास्थ्य राज्यातले बिघडवले आहे. शिव्याशिवाय दसरा मेळाव्यात जरांगे यांनी काही केलं नाही. तसेच जरांगेला एखाद्या विमानात कोंबावे आणि त्याला व्हिझा काढून द्यावा आणि अफिकाला पाठवून द्यावे अशी टीका लक्ष्मण हाके यांनी केली आहे.