संदिप भोसले, साम टीव्ही

लातूरमधून आताची सर्वात मोठी बातमी हाती आली आहे. लातूर जिल्हा उद्योग केंद्र लातूर इंडस्ट्रियल इस्टेट को-ऑपरेटिव्ह सोसायटी लिमिटेड लातूर या मधील उत्पन्नासाठी मंजूर भूखंडात सुरू असलेल्या अनधिकृत व्यावसायिक वापराकरिता जिल्हा उद्योग केंद्र यांनी कारवाईचा इशारा दिलाय. उद्योग भवन परिसरातील कारखाने सोडता, इमारती, खानावळी, वस्तीग्रह, खासगी कोचिंग क्लासेस, तातडीने बंद करण्याचे आदेश जिल्हा उद्योग केंद्राने दिले आहेत. लातूरमधील खासगी ट्युशन परिसर, हा औद्योगिक सहकारी संस्थेच्या जागेवर थाटला गेल्याने मोठी कारवाई करण्याचे आदेश जिल्हा उद्योग केंद्राने दिले. त्यामुळे लातूरच्या उद्योग भवन परिसरात, मागच्या अनेक वर्षापासून अनाधिकृतपणे उभारण्यात आलेल्या, खासगी कोचिंग क्लासेस, खानावळी, वस्तीग्रह यांच्यासह इतरांचे धागे दणाणले आहेत.