लाडक्या बहिणींसाठी मोठी बातमी समोर येत आहे. जर निकष डावलून लाडकी बहीण योजनेचा लाभ घेतला असेल तर अशा लाडक्या बहिणींवर कारवाई होण्याची शक्यता आहे. अशा महिलांना मिळालेले पैसे पुन्हा सरकार जमा होण्याची शक्यता आहे. याची अंमलबजावणी होण्यास सुरुवात झाली आहे. एका महिलेकडून ५ महिन्याचे ७ हजार ५०० रुपये परत घेण्यात आले आहेत. धुळे जिल्ह्यातल्या नकाने गावातील एका महिलेने सरकारी योजनेचा दुबार लाभ घेतल्याचं चौकशीतून निष्पन्न झालं आहे. त्यामुळे लाडकी बहीण योजनेचे ५ महिन्याचे मिळालेले पैसे तिला परत देण्यास सांगितले आहेत.

महायुती सरकार पुन्हा एकदा सत्तेत आल्यानंतर लाडकी बहीण योजनेच्या अर्जाच्या पडताळणीचा निर्णय घेण्यात आला आहे. यात निकषात न बसणाऱ्या अपात्र महिलांवर कारवाई होण्याची शक्यता आहे. अशा अपात्र बहिणींकडून पैसे परत घेतले जाणार आहेत. धुळ्यातल्या एका महिलेचे पैसे सरकारजमा झाले आहेत. योजनेचा गैरफायदा घेतलेल्या लाभार्थी महिलांवर कठोर कारवाई होणार आहे. धुळे, जळगाव, पालघर, गडचिरोलीमध्ये सर्वाधिक तक्रारी आल्या आहेत. केशरी आणि पिवळे शिधापत्रिकाधारक वगळता सर्व अर्जांची छाननी होणार आहे.

दरम्यान, या सर्व प्रकरणावर राष्ट्रवादी शरद पवार गटाच्या खासदार सुप्रिया सुळे यांनी प्रतिक्रिया दिली आहे. मी अगोदर बोलले होते. कालही हेच सांगत होते. हे अपेक्षित होतं. हे सातत्याने बोलत होते, सरकार आल आहे, मला आरोप करायचे नाहीत. फडणवीस यांच्याकडून अपेक्षा आहेत. महत्वाच्या पदावर बसले आहेत, टीका करण्यासाठी बसले नाहीत, एक राज्याचा पिक्सल डिपॉझिट रिपोर्ट पहा, कधी तरी पॉलिसीवर बोलल पाहिजे, राज्य केंद्र याच नात पाहिलं, मी डेटा देईल, डीपीडीसीचे पैसे वळवले जात आहेत. महिलांची फसवणून तुमच्या प्रश्नांत उत्तर आहे, असं सुप्रिया सुळे यांनी म्हंटलं आहे.