विधानसभा निवडणुकीच्या पार्श्वभूमीवर सुरू केलेली लाडकी बहीण योजनेबाबत आता धक्कादायक बातमी समोर आली आहे. गेल्या पाच महिन्यांत या योजनेसाठी एकही नवा अर्ज प्राप्त झालेला नाही. ही माहिती माहितीच्या अधिकारातून उघड झाली आहे. विधानसभा निवडणुकीत ‘लाडकी बहीण’ योजना ही महायुतीसाठी गेमचेंजर ठरली होती.

या योजनेमुळेच महायुतीला सत्तेपर्यंत पोहोचण्यात मोठी मदत झाली होती. मात्र आता महिलांनी या योजनेकडे पाठ फिरवल्याचं चित्र आहे. सध्या या योजनेअंतर्गत 1 कोटी 59 लाख 56 हजार 967 महिला पात्र आहेत. तरीही नवीन अर्ज न येणं हा चिंतेचा विषय मानला जात आहे. यामागील कारणांबाबत प्रशासन आणि सरकारने सांगितले आहे की, आता नवीन अर्ज स्वीकारला जाणार नाही.