लाडकी बहीण योजनेचा लाभ बंद झाल्याने हिंगोलीत महिलांनी सरकारच्या विरोधात यल्गार पुकारला आहे. निवडणुकीनंतर सरकारची लाडकी बहीण दोडकी झाली का? असा प्रश्न या लाडक्या बहिणींनी विचारत आहे. दरम्यान हिंगोलीच्या सेनगाव औंढा, कळमनुरी, वसमत, आणि हिंगोली अशा पाचही तालुक्यातून शेकडो लाडक्या बहिणी जिल्हाधिकारी कार्यालयावर धडकल्या. जोपर्यंत शासनाचे अधिकारी आणि मुख्यमंत्री लाडकी बहीण योजनेचा लाभ सुरू करणार नाहीत तोपर्यंत आम्ही जिल्हाधिकारी कार्यालयातून उठणार नसल्याचा पवित्रा या महिलांनी घेतला. दरम्यान हिंगोलीचे निवासी उपजिल्हाधिकारी या महिलांच्या भेटीसाठी पोहोचले असून या महिलांची समजूत काढत आहेत.