Ladki Bahin Yojana Update : मुख्यमंत्री लाडकी बहीण योजनेची ई-केवायसी प्रक्रिया ३० एप्रिल रोजी पूर्ण झाली आहे. अपात्र लाडक्या बहि‍णींना योजनेतून वगळण्यात आल्यानंतर आता लाभार्थी महिलांची संख्या सुमारे १ कोटी ८० लाखांवर पोहोचण्याची शक्यताये. ई-केवायसी पूर्ण होईपर्यंत मार्च आणि एप्रिल महिन्यांचे हप्ते थांबवण्यात आले होते. आता ईकेवायसी प्रक्रिया पूर्ण झाल्यानंतर पात्र लाडक्या बहिणींच्या खात्यात जमा होतील, असे सांगण्यात येत आहे.

पात्र लाभार्थी महिलांच्या खात्यात २ महिन्यांचे एकत्र ३ हजार येणार का? अशी चर्चा सुरू झाली आहे. मे महिना सुरू झाला आहे, पण अद्याप मार्च आणि एप्रिल महिन्याचाच लाभ मिळालेला नाही. त्यामुळे खात्यात किती आणि कधी पैसे जमा होतील, अशी चर्चा महिलांमध्ये सुरू झाली आहे.