लाडकी बहीण योजनेच्या eKYC साठी १८ नोव्हेंबरपर्यंत करण्याचे मुदत सरकारने दिली होती. मात्र, काही त्रुटीमुळे हजारो महिलांची eKYC प्रक्रिया रखडली आहे. त्यामुळे ही प्रक्रिया न केल्याने महिन्याला मिळणाऱ्या पैशांपासून वंचित राहणार का, अशी चिंता लाडक्या बहि‍णींना लागली आहे. यावरच आता महिला आणि बालविकास मंत्री अदिती तटकरे यांनी मोठी प्रतिक्रिया दिली आहे.

मंत्री अदिती तटकरे म्हणाल्या, 'एखाद्या महिलेच्या पती किंवा वडिलांचं निधन झालंय किंवा घटस्फोटित महिलांसाठी योजनेच्या वेबसाइटवर एक नवीन पर्याय उपलब्ध करून दिला जाणार आहे. त्यासाठी आवश्यक कागदपत्रे अपलोड करावे लागतील. अतिवृष्टीमुळे कागदपत्रे गमावलेल्या पात्र महिलांसाठी e-KYC प्रक्रिया पूर्ण करण्यासाठी eKYC करण्यासाठी मुदतीत वाढ करण्याचा विचार सुरु आहे'.