Ladki Bahin Yojana Installment Of April : महाराष्ट्र सरकारची महत्त्वकांक्षी मुख्यमंत्री माझी लाडकी बहीण योजनेतील लाभार्थ्यांसाठी अतिशय महत्त्वाची बातमी समोर आली आहे. लाडकी बहीण योजनेचा एप्रिल महिन्याच्या हप्त्यासंदर्भात अपडेट मिळाली आहे. लाडक्या बहि‍णींना एप्रिलच्या हप्त्यासाठी वाट पाहावी लागणार आहे.

फेब्रुवारी आणि मार्च, या दोन महिन्यांचा हप्ता ८ मार्च रोजी खात्यात आला होता. आता एप्रिलच्या हप्त्यासाठी लाडक्या बहिणींना वाट पाहावी लागणार आहे. मिळालेल्या माहितीनुसार, लाडक्या बहिणींचा हप्ता थोडा उशिरा होणार असून महिलांना अक्षय्य तृतीयेपर्यंत वाट पाहावी लागणार आहे.

सूत्रांनी दिलेल्या माहितीनुसार, अक्षय्य तृतीयेच्या मुहूर्तावर लाडक्या बहि‍णींच्या खात्यावर एप्रिल महिन्याचे १५०० रूपये जमा होऊ शकतात. ज्या महिलांना मार्च महिन्याचा हप्ता आला नाही, त्यांना एप्रिलच्या हप्त्यांमध्ये पैसे येण्याची शक्यता आहे. सर्व पात्र महिलांच्या खात्यात अक्षय्य तृतीयेच्या मुहूर्तावर पैसे येणार असल्याचे समजतेय.