लाडकी बहिण योजनेचे पैसे चक्क बेरोजगार तरुणाच्या खात्यात गेल्याची बातमी समोर आली होती. ही बातमी साम टीव्ही ने दाखवल्यानंतर शासन आणि प्रशासनात मोठी खळबळ उडाली आहे. त्या तरुणाने पैसे परत केल्याचा दावा केळापुरचे भाजपचे आमदार संदीप दुर्भे यांनी केला आहे. मात्र साम टीव्हीने लाभार्थी तरुणाची प्रतिक्रिया घेतली. त्यात तरुणाने पैसे जमा केले नसल्याचं सांगितलं आहे. शासनाच्या या भोंगळ कारभारावर विरोधकांनी जोरदार टीका केली आहे. अधिकाऱ्यांनी मात्र या प्रकरणी सारवासारव सुरु केली आहे.