मुंबईतील विविध भागात दिवसेंदिवस वर्दळ वाढू लागली आहे. मुंबईतील वांद्रे-कुर्ला कॉम्प्लेक्स भागात प्रवाशांची रेलचेल पाहायला मिळते. या भागात मोठ्या प्रमाणात खासगी कंपन्या असल्याने दिवसभर कर्मचाऱ्यांची येजा असते. या भागातील कर्मचाऱ्यांना वाहतूककोडींचा प्रचंड सामना करावा लागतो. परंतु या भागातील प्रवाशांना लवकरच मोठा दिलासा मिळणार आहे.

तब्बल 5 वर्षांच्या विलंबानंतर कुर्ला पश्चिम भागातील एलबीएस रोडवरील बहुप्रतीक्षित स्कायवॉक अखेर पूर्णत्वाच्या मार्गावर आला आहे. हा स्कायवॉक जून महिन्यात नागरिकांसाठी खुला होण्याची शक्यता आहे. या प्रकल्पामुळे कुर्ला रेल्वे स्थानक आणि बीकेसीदरम्यान प्रवास करणाऱ्या पादचाऱ्यांना सुरक्षित आणि जलद मार्ग उपलब्ध होणार आहे.