स्टँडअप कॉमेडियन कुणाल कामराने आपल्या शोदरम्यान उपमुख्यमंत्री एकनाथ शिंदे यांच्यावर विडंबनात्मक टीका केल्यानंतर शिवसेनेचे नेते राहुल कणाल आणि शिवसैनिकांनी संबंधित स्टुडिओमध्ये जाऊन तोडफोड केली. या घटनेनंतर राज्यातील राजकारण तापले आहे.

दरम्यान, शिवसैनिकांनी कुणाल कामराला फोन केल्याची एक ऑडिओ क्लिप व्हायरल झाली आहे. या क्लिपमध्ये कुणालने आपण तामिळनाडूमध्ये असल्याचे सांगितले. या पार्श्वभूमीवर आता शिवसैनिकांनी कुणाल कामराचा शोध घेण्यासाठी तामिळनाडूकडे कूच केल्याची माहिती समोर येत आहे.