कोल्हापूर : शहरात भटक्या कुत्र्यांचा त्रास वाढत असतानाच कोल्हापूर महानगरपालिकेने पाळीव कुत्र्यांच्या मालकांवर लक्ष केंद्रित करत महत्त्वाचे आदेश जाहीर केले आहेत. विशेषतः पिटबुल, जर्मन शेफर्ड, डॉबरमन आणि रोटविलर यांसारख्या आक्रमक जातींच्या कुत्र्यांसाठी हे नियम लागू राहणार आहेत.

महापालिकेच्या आदेशानुसार :

पाळीव कुत्र्यांना बाहेर नेताना चेन किंवा बेल्टने बांधणे अनिवार्य असेल.

आक्रमक प्रवृत्तीच्या कुत्र्यांना तोंडावर मास्क लावणे बंधनकारक असेल.

नियमांचे उल्लंघन झाल्यास महानगरपालिका थेट कुत्रा जप्त करणार असून, संबंधित मालकावरही कायदेशीर कारवाई केली जाणार आहे.

या आदेशामुळे नागरिकांची सुरक्षितता आणि सार्वजनिक ठिकाणी होणारा त्रास कमी करण्यास मदत होईल, असा महापालिकेनी सांगितले आहे.