कोल्हापुरात कागल नगर परिषद निवडणूक मतदान प्रक्रियेला सुरूवात झाली आहे. सकाळपासूनच कोल्हापुरकरांकडून बूथबाहेर रांगा लावल्या जात आहे. दरम्यान, कागलमध्ये तृतीयपंथीय आणि पोलिसांमध्ये जोरदार वाद झाला. कागल येथील प्रभाग क्रमांक ५ या मतदान केंद्रावर जनतेकडून मतदान करण्यात येत होते. या दरम्यान, काही तृतीयपंथी देखील मतदानाचा हक्क बजावण्यासाठी आले होते.

यादरम्यान, मतदान केंद्रावर तृतीयपंथी आणि पोलिसांमध्ये जोरदार वाद झाला. मतदान केंद्रात बॅलेट युनिट अचानक बदलल्याचा आणि काही कार्यकर्ते पक्षाचे चिन्ह घेऊन आत येत असल्याचा आरोप तृतीयपंथीयांनी केला. याच कारणावरून तृतीयपंथी आणि पोलिसांमध्ये चांगलीच जुंपली.