मुंबई: खुशी ट्रेडिंग कंपनीकडून हा एक्सपायरी झालेला माल खरेदी करण्यात येत असल्याची माहिती मिळाली असून, संबंधित ठिकाणी छापे टाकून माल जप्त करण्यात आला आहे.

घाटकोपर, नवी मुंबई आणि भिवंडी या ठिकाणांहून अन्न व औषध प्रशासनाने मोठ्या प्रमाणात हा माल जप्त केला आहे. या प्रकारामुळे खाद्य सुरक्षा नियमांचे गंभीर उल्लंघन झाले असून, नागरिकांच्या आरोग्याला मोठा धोका निर्माण होण्याची शक्यता व्यक्त केली जात आहे.

या गंभीर प्रकाराची दखल घेत गृहराज्यमंत्री योगेश कदम यांच्या निर्देशानुसार डी मार्ट आणि खुशी ट्रेडिंग कंपनी विरोधात तात्काळ कारवाई करण्यात आली आहे. संबंधित कंपन्यांवर अन्न सुरक्षा कायद्यानुसार गुन्हे दाखल करण्याची प्रक्रिया सुरू आहे.

अशा प्रकारच्या बेकायदेशीर कृत्यांमुळे नागरिकांच्या आरोग्यावर परिणाम होऊ शकतो. नागरिकांनी अन्नपदार्थ खरेदी करताना उत्पादन व समाप्ती दिनांक तपासावी, असे आवाहन अन्न व औषध प्रशासनाने केले आहे.