केदारनाथ घाटीमध्ये गेल्या काही तासांपासून जोरदार मुसळधार पावसाने हाहाकार माजवला आहे. या पावसामुळे केदारनाथला जाणाऱ्या मुख्य पायी मार्गावर मोठ्या प्रमाणात दरड कोसळली असून, या मार्गावरील वाहतूक तात्पुरती थांबवण्यात आली आहे.

या घटनेमुळे हजारो भाविक मार्गातच अडकले असून, त्यांना सुरक्षित ठिकाणी हलवण्याचं काम प्रशासनाच्या मदतीने सुरू आहे. पावसाचा जोर ओसरल्यावर मार्ग मोकळा करण्याचे प्रयत्न सुरु असल्याचे प्रशासनाने सांगितले आहे.

प्रशासनाने भाविकांनी सध्या यात्रा पुढे ढकलावी व हवामान सुधारल्याशिवाय पुढील प्रवास करु नये, असे आवाहन केले आहे.