Why Nilesh Rane met Sandesh Parker before Kankavli Nagar Panchayat election : कणकवली नगरपंचायत निवडणुकीच्या पार्श्वभूमीवर राजकीय घडामोडींना वेग आला आहे. कणकवली शहर विकास आघाडीचे नगराध्यक्ष पदाचे उमेदवार संदेश पारकर यांच्या निवासस्थानी शिवसेना आमदार निलेश राणे यांनी भेट दिली. या वेळी राज्याचे उद्योग मंत्री उदय सामंत हे देखील उपस्थित होते. संदेश पारकर यांनी नारायण राणे यांची साथ सोडल्यानंतर आमदार निलेश राणे पहिल्यांदाच पारकर यांच्या घरी पोहोचल्याने या भेटीला विशेष महत्त्व प्राप्त झाले आहे. या भेटीमुळे कणकवली आणि सिंधुदुर्गच्या राजकारणात नव्या समीकरणांची चर्चा सुरू झाली आहे. या बैठकीत नेमकी काय चर्चा झाली आणि याचे भविष्यातील राजकारणावर काय परिणाम होतील, याकडे सर्वांचे लक्ष लागले आहे.