पुण्यातील कसब्यात प्रचारफेरी दरम्यान कीटली विरुद्ध पंजाची जुगलबंदी पाहायला मिळाली. काँग्रेस बंडखोर कमल व्यवहारे यांच्या कार्यकर्त्यांनी केला काँग्रेस उमेदवार रवींद्र धंगेकर यांच्या समोर घोषणाबाजी करण्यात आली.

कसब्यातील विधानसभा निवडणूक चांगलीच रंगात आली आहे. अपक्ष उमेदवार कमलताई व्यवहारे यांच्या प्रचारार्थ रविवारी दुचाकी रॅली आयोजित करण्यात आली होती. त्याच वेळेस काँग्रेसचे उमेदवार आणि आमदार रवींद्र धंगेकर यांची रॅली समोर आली. त्यावेळी दोन्ही बाजूच्या कार्यकर्त्यांमध्ये टशन पाहायला मिळाली .

संख्येने कमी असून कमलताई व्यवहारे यांच्या कार्यकर्त्यांनी जोरदार जल्लोष करत आव्हान निर्माण केले. जोरदार घोषणाबाजी आणि राडा शिवाजी रोडवर पाहायला मिळाला. कमल व्यवहारे या काँग्रेसमध्ये होत्या. त्यांनी बंडखोरी करत कसब्यातून उमेदवारी अर्ज दाखल केला आहे.