धाराशिव : महाविकास आघाडीचे धाराशीवचे उमेदवार ओमराजे निंबाळकर यांच्या प्रचाररॅलीत ठाकरे गटाचे आमदार कैलास पाटील यांना चक्कर आली. उष्माघाताचा त्रास जाणवू लागल्यानं त्यांना भोवळ आली. त्यांना तातडीने रुग्णालयात दाखल करण्यात आलं असून सध्या त्यांच्यावर उपचार सुरु आहेत. दरम्यान, आता नेमकी त्यांची प्रकृती कशी आहे, याबाबत अधिक माहिती मिळू शकलेली नाही. मविआच्या प्रचारासाठी आदित्य ठाकरेंसह रोहित पवारही धाराशीवमध्ये प्रचारासाठी आले होते. यावेळी आदित्य ठाकरेंचं भाषण झाल्यानंतर कैलास पाटील यांना अचानक भोवळ आल्यानं कार्यकर्त्यांचाही एकच गोंधळ उडाला.