परभणी येथील सोमनाथ सूर्यवंशी यांचा मृत्यू पोलिसांच्याच मारहाणीत झाला असल्याचे आता सिद्ध झाले आहे. गोपनीय अहवाल मानवधिकार आयोगासमोर सादर करण्यात आला असून संबंधित पोलिसांना नोटीसा बाजावून उत्तर मागितले आहे. याबाबतच सोमनाथ सूर्यवंशी यांच्या आईने सोमनाथ सूर्यवंशी यांचा मृत्यू पोलिसांच्या मारहाणीतच झाला असल्याचा आरोप करत त्यांच्या कुटुंबीयांनी दोषी पोलिसांवर मानुष्यवधाचा गुन्हा दाखल करा अशी मागणी केली आहे. सोमनाथ सूर्यवंशी यांच्या कुटुंबीयांनी प्रसारमाध्यमांशी बोलताना म्हटले, आमच्या लेकराचा खून पोलिसांनीच केला आहे. आम्ही सुरुवातीपासून सांगत होतो, पण कोणी ऐकलं नाही. आता अहवाल समोर आला आहे, त्यामुळे दोषी पोलिसांवर तातडीने मनुष्यवधाचा गुन्हा दाखल करून त्यांना कठोर शिक्षा द्यावी. आज 95 दिवस झाले असून शासनाने या प्रकरणात कोणतीही ठोस कारवाई केली नाहीये.मात्र आज तो अहवाल समोर आला आहे. त्यामुळे दोषी पोलिसांवर 302 चा गुन्हा दाखल करून त्यांना फाशीची शिक्षा द्यावी अशी मागणी सोमनाथ सूर्यवंशी यांच्या आईने केली आहे.