मुंबईत अनधिकृत घरांवर तोडक कारवाईला गेलेल्या पोलिसांवर आंदोलकांनी दगडफेक केलेली आहे. रेल्वे प्रशासनाकडून कारवाई केली जात असतानाच मुंबईच्या जोगेश्वरी भागात आंदोलक आक्रमक झालेले आहेत. झोपडीधारकांनी केलेल्या या दगडफेकीत पाच पोलिस कर्मचारी जखमी झाले आहे. याठियाणी सध्या पोलिसांचा मोठा बंदोबस्त तैनात करण्यात आला आहे.

मुंबईच्या जोगेश्वरी पूर्वेत रेल्वेचा हद्दीमध्ये असलेल्या अनधिकृत घरावर रेल्वे प्रशासनाकडून कारवाई करण्यात येणार आहे. या विरोधात झोपडपट्टी धारकाकडून रेल्वे प्रशासनाचे विरोधात आंदोलन करण्यात येत आहे. कारवाईसाठी आज पोलिसांचं तोडक पथक याठिकाणी दाखल झालं. त्यानंतर झोपडीधारक आंदोलकांकडून पोलिसांवर दगडफेक करण्यात आली. या दगडफेकीत पाच पोलीस अधिकारी आणि कर्मचारी जखमी झाले आहेत.

दरम्यान, मोर्चाला परवानगी नसल्यामुळे जोगेश्वरी पोलिसांनी २० ते २५ आंदोलकांना ताब्यात घेतलं आहे. तसंच जोगेश्वरी पोलिसांकडून दगडफेक प्रकरणी आणि बिना परवाना आंदोलन करणारे झोपडीधारकांचे विरोधात गुन्हा दाखल करण्याचे प्रक्रिया सुरू आहे.