भाजपाचे आमदार गोपीचंद पडळकर आणि राष्ट्रवादी काँग्रेस (शरद पवार गट) पक्षाचे नेते व माजी मंत्री जितेंद्र आव्हाड यांच्यातील वाद चांगलाच चिघळला आहे. ‘मंगळसूत्र चोर’ अशी टीका जितेंद्र आव्हाडांनी केल्यानंतर या वादाला तोंड फुटले. त्यानंतर आता विधानभवनाच्या लॉबीमध्येच दोन्ही नेत्यांचे समर्थक आमनेसामने आले आणि जोरदार हाणामारी झाली. या प्रकारानंतर जितेंद्र आव्हाड यांनी तीव्र संताप व्यक्त केला आहे. विधिमंडळातच आमदार सुरक्षित नसतील, तर अशा वातावरणात आमदार राहून काय उपयोग? असा संतप्त सवाल त्यांनी उपस्थित केला आहे. यानंतर त्यांनी आज साम टीव्हीशी संवाद साधत सर्व घटनाक्रम सांगितला.