लक्ष्मण हाकेंचं ओबीसी बांधवांच्या आरक्षणाच्या संरक्षणासाठी उपोषण सुरु आहे. हाकेंच्या उपोषणावर आता मराठा आंदोलक मनोज जरांगे पाटील यांनी खळबळजनक आरोप केला आहे. तुम्ही सगेसोयऱ्यांची अंमलबजावणी करु नका, तुम्ही माझ्या मराठ्यांना बुडवायला निघालेला आहात जर मी तुम्हाला नाही बुडवलं तर माझ नाव बदलेन असं म्हणत जरांगेंनी सरकारला मोठा इशारा दिला आहे. सरकारने जाती जातीमध्ये दंगल घडवण्यासाठी आंदोलन उभं केलं असल्याचा गंभीर आरोप मनोज जरांगे यांनी सरकारवर केला आहे.