बंजारा समाजाला एसटी प्रवर्गातून आरक्षण देऊ नये, या मागणीसाठी आज जालना शहरात आदिवासी समाजाकडून मोर्चा काढण्यात आला आहे. अंबड चौफुली परिसरातून मोर्चाला सुरुवात झाली असून हा मोर्चा जिल्हाधिकारी कार्यालयावर धडकणार आहे. हैदराबाद गॅझेटनुसार बंजारा समाजाला एसटी प्रवर्गातून आरक्षण द्यावे, या मागणीसाठी राज्यातील विविध भागांत आंदोलने सुरू आहेत. याच्या विरोधात आदिवासी समाजाने रस्त्यावर उतरून आपला संताप व्यक्त केला आहे. मोर्चादरम्यान मोठ्या संख्येने नागरिक सहभागी झाले आहेत. विशेष म्हणजे रास्ता रोको अंदोलनामध्ये महिला सुध्दा सहभागी झाल्या आहेत. या अंदोलनामुळे वाहतूक पूर्णता ठप्प झाली आहे. या सगळ्यावर प्रशासनाकडून कडेकोट बंदोबस्त ठेवण्यात आलेला आहे.