अक्षय शिंदे, साम टीव्ही

जालना: लग्नसराईत विनोदाने केलेला बूट लपवण्याचा विधी जालन्यात मात्र चांगलाच महागात पडला आहे. जालन्यातील अंबड तालुक्यात बूट लपवण्यावरून नवरदेव आणि नवरीकडील मंडळींमध्ये तुफान हाणामारी झाल्याची धक्कादायक घटना समोर आली आहे. या प्रकरणी अंबड पोलिसांनी कारवाई करत एकूण 14 जणांवर गुन्हा दाखल केला आहे. या घटनेची गांभीर्याने दखल घेत अंबड पोलिसांनी कायदेशीर पावले उचलली आहेत. याप्रकरणी पोलिसांनी एकूण १४ लोकांविरुद्ध गुन्ह्याची नोंद केली. या तुफान हाणामारीचा व्हिडिओ सोशल मीडियावर प्रचंड व्हायरल झाला आहे. व्हिडिओमध्ये वऱ्हाडी मंडळी एकमेकांवर खुर्च्या आणि जे मिळेल त्या वस्तू फेकून मारताना दिसत आहेत.