Father Kills Daughter At Wedding : प्रेमविवाहाचा राग मनात ठेवून एका पित्याने आपल्या मुलीवर आणि जावयावर गोळीबार केल्याची धक्कादायक घटना जळगावच्या चोपडा शहरात घडली आहे. या गोळीबारात 24 वर्षीय तृप्ती अविनाश वाघ हिचा जागीच मृत्यू झाला, तर तिचा पती अविनाश ईश्वर वाघ गंभीर जखमी झाला आहे. अविनाशच्या पाठीतून गोळी पोटात घुसल्याने त्याला जळगावच्या जिल्हा रुग्णालयात दाखल करण्यात आले आहे. या प्रकरणातील आरोपी किरण अर्जुन मंगले हे तृप्तीचे वडील आणि सीआरपीएफचे सेवानिवृत्त अधिकारी आहेत.

अर्जुन मंगले यांनी लग्नात जाऊन मुलीवर गोळीबार केल्यानंतर एकच खळबळ उडाली. लग्नाला आलेल्या वऱ्हाडी लोकांनी मंगले यांना बेदम मारले. पोलिसांनी मंगले यांची पिस्तुल जप्त केली असून गुन्हा दाखल केला आहे. वऱ्हाडीने बेदम चोपल्यानंतर मंगले गंभीर जखमी झालाय. त्याच्यावर जवळच्या रूग्णालयात उपचार सुरू आहेत.