संपूर्ण लालबाग परिसरात उद्धव ठाकरे यांचे राज्य आहे. कुठल्याही नेत्याला तुम्ही फोन करा. माझ्या सोसायटीमध्ये प्रॉब्लेम झाला आहे, ते येणार नाहीत. आमदार त्यांचे, खासदार त्यांचे, नगरसेवक त्यांचेच आणि चापट मारून तुम्हाला मतदान करायला सांगतील हे लक्षात ठेवा, असे म्हणत जैन मुनी निलेशचंद्र यांनी शिवसेना ठाकरे गटाचे प्रमुख उद्धव ठाकरे यांच्यावर विखारी टीका केली आहे. यावरच ठाकरे गटाचे आमदार सचिन आहीर यांनी पलटवार केला. कालपर्यंत जे जैन मुनी भाजपवर बोलत होते.

ते अचानक मोर्चा आणि आंदोलन करून मुंबईमधील वातावरण खराब करत आहे. मी त्या सर्व लोकांना हात जोडून विनंती करतो की मुंबईमध्ये सर्व जाती धर्माची लोक ही एकत्रित राहतात आणि विशेषतः जैन समाज नेहमीच अहिंसाच्या मार्गावरती चालणार आहे. त्याच्याकडे वेगळ्या पद्धतीने बगण्याचा दृष्टिकोन मुंबईकरांचा आहे. कृपया करून असे मोर्चे काढून लोकांना त्या मोर्चामध्ये आग्रह धरून समाजामध्ये तेढ निर्माण करू नका असे आवाहन सचिन आहीर यांनी केली आहे.