मराठवाड्यात अनेक शेतकऱ्यांनी पिकविमा काढले होते. पण पिकविमा कंपन्यांनी अनेक शेतकऱ्यांचे दावे कुठलेही कारण न देता फेटाळले आहेत. संभाजीनगरच्या कन्नड तालुक्यात गेल्यावर्षी खरीप हंगामात १ लाख २३ हजार ६१९ पैकी ५२ हजार ५१९ शेतकऱ्यांना ३४ कोटी रुपयांची रक्कम मिळाली आहे. पण ७१ हजार १०० शेतकऱ्यांचे पिकविम्याचे दावे कुठलेही कारण न देता फेटाळण्यात आले आहे. त्यामुळे शेतकऱ्यांनी संताप व्यक्त केला आहे. काही ठिकाणी दोन भावांपैकी एकाच व्यक्तीला पिकविम्याचे पैसै देण्यात आले आहेत. दोघांच्या नुकसानीचे कारण असतानाही रक्कम देण्यात आलेली नाही.